Монгол Улсын Ерөнхийлөгчөөс санал болгосны дагуу УИХ өнгөрсөн оны хавар их, дээд сургуульд суралцаж буй оюутнуудад сар тутамд тэтгэлэг олгох тухай хуулийн төслийг баталсан.
Хуулийн хэрэгжих хугацааг 2012 оны нэгдүгээр сарын 1-нээс эхлүүлэхээр зааж өгснөөр оюутнууд өнөөдрөөс эхлэн цалингаа авах эрхтэй боллоо. Сард олгох тэтгэлгийн хэмжээг УИХ-аас 70 мянган төгрөг байхаар зааж өгсөн. Мөн магадлан итгэмжлэгдсэн их, дээд сургуулийн оюутнууд тэтгэлэгт хамрагдахаар хуульчилсан. Монгол Улсын хэмжээнд өнөөдрийн байдлаар төрийн болон хувийн өмчийн 110 гаруй их, дээд сургууль үйл ажиллагаа явуулж байгаа бөгөөд үүнд 140 мянга гаруй оюутан суралцдаг. Гэхдээ магадлан итгэмжлэгдсэн их, дээд сургуулийн оюутнуудад тэтгэлэг олгоно гэж заасан тул тэтгэлэгт нийт хэдэн оюутан хамрагдахыг Боловсрол, соёл, шинжлэх ухааны яамнаас нарийвчлан гаргах юм байна.

www.mminfo.mn