Өчигдөр буюу энэ сарын 13-нд Сэлэнгэ аймгийн Мандал сумын Түнхэл багийн Гацуурт голын эрэг дээрээс эрэгтэй хүний цогцос олдсон байна. Тодруулбал, тус аймгийн  Мандал сумын “Түнхэл” багийн Гачууртын алтны уурхайн сахиулаар ажилладаг 57 настай эрэгтэй, иргэн Г нь өнгөрсөн баасан гаригт буюу энэ сарын 9-нд 22:00 цагийн үед гэрээсээ гарсан гэнэ. Ингэхдээ тус алтны уурхайн  1 дүгээр пост руу явна гэж гараад гурав хоног сураггүй болсон тул эрэн хайх дуудлагыг Онцгой байдлын газарт өгсөн байна. Гэвч харамсалтай нь түүний цогцсыг тус аймгийн голын эрэг дээрээс олжээ. Одоогоор цагдаагийн байгууллагад цогцсыг хүлээлгэн өгсөн бөгөөд талийгаач гадны нөлөөтэй нас барсан эсэхийг шалгах юм байна.

Эх сурвалж: Шуурхай.мн