Мэргэжлийн сумо бөхийн 69- дахь их аварга Хакүхо М. Даваажаргалыг дэмжигч фенүүд монголд төдийгүй дэлхийд бий. Олон улсын анхаарлын төвд байдаг энэ эрхэм өдгөө японд мэргэжлийн сумо бөхөд хүч үзэж яваа. Сумоч гэхлээр баян байдаг гэсэн ойлголтыг өдгөө УИХ-д суугаа эрхэм гишүүн Кёкүшюүзан Батбаяр өгсөн. Мэдээж түүний өнөөгийн кёкүшю барилга нь ч энэ байдлыг илтгэнэ.

Харин Хакүхо М.Даваажаргал харийн оронд банкнаас 60 жилийн хугацаатай зээл авч байр аваад амьдарч яваа талаар түүний ээж Ө.Тамир нэгэн сонинд өгсөн ярилцлагандаа дурьджээ. Монголд төдийгүй японд нэр алдар нь түгсэн эрхэм аварга маань монголын залуусын нэгэн адил амьдралаа өөрийн гараар босгохоор зүтгэж яваа нь энэ. Нэр алдрыг дагаж хүндэтгэл ирдэг ч гэлээ хүч хөдөлмөрийг нь дагаж ирдэг мөнгөн нь бүгд өөрт нь оногддоггүй аж. Хүн л болсон хойно амьдралд урьдхаараа хойдохоо нөхөөд л амьдарч яваа монголын эгэл жирийн залуу. Гэхдээ Монголд амьдарч байгаа залуусын нийгмийн зиндаанд биш, арай өөр төвшин дахь зиндаандаа  урьдахаараа хойдохоо нөхөөд амьдарч яваа бололтой.

Гэсэн ч аав ээж, хамаатан садандаа туслах үедээ тусалдаг. Тусламж авах үедээ ч авдаг гэнэ.  Ж. Мөнхбат аваргад төрөөс олимпийн медалтнуудад олгосон мөнгийг үр хүхдүүддээ тараасан бөгөөд Хакүход ч байрны зээлтэй болохоор мөнгө илүүдэхгүй хэмээн хувь хүртээсэн гэнэ.

Г. Туяа