Ихэнх нутгаар энэ сарын 21-27-ны хооронд цас орж, цасан шуурга шуурна. Салхи 24-25-нд зарим газраар 12-14 метр хүрч ширүүсэх төлөвтэй байгааг Ус цаг уур орчны шинжилгээний газраас анхаарууллаа. Харин маргааш баруун болон төвийн нутгийн хойд хэсгээр, 20-21-нд зарим газраар, 22-нд баруун зүгийн нутгийн баруун, говийн нутгийн зүүн хэсэг, зүүн зүгийн нутгаар бороо, уулархаг нутгаар хур тунадас орно. Салхи ихэнх хугацаанд зарим газраар секундэд 16-18 метр хүрч, шороон шуурга шуурна. Алтай, Хангай, Хөвсгөлийн уулархаг нутгаар шөнөдөө 1-6, өдөртөө 10-15 хэм, говийн нутгийн өмнөд хэсгээр шөнөдөө 9-14, өдөртөө 22-27 хэм, бусад нутгаар шөнөдөө 0-5, өдөртөө 16-21 хэм байх юм байна.