ОХУ-ын Гавьяат жүжигчин, ОХУ-ын Буриад улсын Ардын жүжигчин дуучин Б.Амархүү Монгол дахь анхны бие даасан “Гэртээ хүрэх зам”  тоглолтоо хийхдээ монгол фэнүүддээ хайртай бүсгүй О.Ариунзулыг албан ёсоор танилцуулж байсан билээ.  Хосууд хамтран амьдарч байгаа бөгөөд хэвлэл мэдээллээр тун удахгүй гэрлэх гэж байгаа талаараа мэдэгдээд авсан. Мөн модель маань хөл хүнд болж шинэ хүнээ өлгийдөн авч хөөрхөн хүүгийн эцэг эх болцгоосон. Тэгвэл ээж болоод удаагүй О.Ариунзул өөрийн жирэмсэн үеийн зургаа цахим хуудаснаа нийтэлжээ. Тэрээр “Бидний амьдралын хамгийн аз жаргалтай сайхан үе. Хүү минь төрөхөөс 14-хөн хоногийн өмнө. Энэ үед хажууд байгаа хань нөхрөөс л бүх зүйл шалтгаалдаг шүү. Эмзэг уяхан болсон үрээ тээж яваа эхнэртээ шөлийг нь хийж өгөөд хөлийг нь бариад өгчихдөг сэтгэлтэй байгаарай.
Эх хүн гэдэг үнэхээр гайхалтай. Ачийг нь хэзээ ч хариулж чадахгүй юм байна гэж өөрийн эрхгүй бодогдсон. Ээжээ би таны ургэлжлэл…” хэмээн хайрт Б.Амархүүдээ болон ээждээ зориулан сэтгэлийн үгээ илэрхийлсэн байна.

Эх сурвалж: Шуурхай.мн