Үндэсний их баяр наадмын үеэр буюу өнгөрсөн сарын 14-нд “Үндэсний соёл амралтын хүрээлэнд ажилладаг 19 настай охин ажлаа тарж яваад сураггүй алга болсон. Улмаар охиныг дөрөв хоногийн дараа буюу өнгөрсөн сарын 17-ны өдөр галт тэргэнд дайруулан амиа алдсан байдалтайгаар цогцсыг нь моргоос олсон юм. Гэвч ар гэрийнхэн нь охиноо амиа хорлосон бус гадны нөлөөтэй нас барсан гэж үзэн хуулийн байгууллагаар шалгуулж байгаа юм.

 Талийгаач охины хэрэг мөрдөн байцаалтын шатандаа яваа бөгөөд хамгийн сүүлд охины төмөр замаар алхаж яваа бичлэг олдсон байна. Тодруулбал, үүрийн 4 цагийн үед охин гэрээсээ гараад төмөр зам бараадан алхаж байсан аж. Энэ нь охин өөрөө амиа хорлосон байж болзошгүй гэж үзэх нотолгоо болж байгаа талаар эх сурвалж мэдээллээ. Мөн мөрдөн байцаалтын явцад галт тэрэгний жолооч  “Охин галт тэрэгний урдуур гэнэт гарч ирсэн. Хэн нэгэн түлхээгүй. Ганцаараа явж байсан. Галт тэрэг дуут дохиогоо хангинуулсан ч охин гэнэт галт тэрэгний урдуур орсон” гэж мэдүүлсэн байдаг.

 Хэргийг үргэлжлүүлэн шалгаж байна.

Б.Анир