Мэдээлэл технологийн эрин үед найман настай балчираас наян настай буурал гээд бүх хүмүүс гар утас хэрэглэж байгаа. Монголын ихэнх хэрэглэгчид мобикомыг анхдагч гэдэг утгаар нь нэр хүндийн баталгаа хэмээн хэрэглэдэг. Гэтэл үнэндээ энэхүү үүрэн телефоны анхдагч оператор гэх Мобиком корпораци нь хэрэглэчдээ үргэлж хямдхан урамшуулал, ядмаг бэлгээрээ баярлуулж байна гэсэн нэрийн дор шулж мөлжиж байдаг. Сүүлийн үед тус үүрэн телефоны хэрэглэгчд үйлчилгээнд нь сэтгэл дундуур байж, хэрэглэхээс татгазаж эхлээд байгаа. Тус газар хэрэглэгчдээ шулаад зогсохгүй үйлчлүүлэгчидээ ялгаж харьцдаг бололтой. Нэр хүндтэй, хамгийн үнэтэй дугаар эзэмшдэг хэрэглэгчдээ гол анхаарлаа хандуулж сөгдөж мөргөх нь холгүй хандаж харин энгийн хэрэглэгчдээ үл ойшоосон, тэр бүр авч хэлэлцдэггүй. Тэдний энэ хоёр нүүрийг цахим ертөнцийн идвэхитэй жиргээч “Хас” банкны эзэн, экс Сангийн дэд сайд Ч.Ганхуяг илчлэв. Тэрээр өөрийн твиттер хуудаснаа Мобикомын үйлчилгээнд бухимдаж байгаагаа илэрхийлж, тус сүлжээнээс татгалзахыг уриалж, хулхи хэмээн жиргэв. Харин энэ жиргээний хариуд Мобикомынхон даруй арга хэмжээ авч Ч.Ганхуягт сөгдөж мөргөхөөс наагуур харьцаж байв. Тус үүрэн телефоны дийлэнх хэрэглэгчид үйлчилгээнд нь бухимдалтай байдаг ч нэр нөлөөтэй биш энгийн үйлчлүүлэгчид дэмий л бухимдаад өнгөрдөг. Энгийн хэрэглэгчид шууд бус болон шуудаар холбогдож санал гомдлоо илэрхийлэхэд авч хэлэлцдэггүй атал нэр нөлөө бүхий эрхэмийн жиргээнд ийн “нялууран” дээдэлж байгаа нь хоёр нүүртэй л гэхээс өөр юу гэхэв. Тэдний үнэн төрх ийм л байна.

Эх сурвалж: Шуурхай.мн