Хятад дахин химийн үйлдвэр дэлбэрсэн тухай BBC агентлаг мэдээллээ. Тодруулбал Хятадын зүүн бүс нутгийн Шаньдун мужид өнгөрсөн бямба гаригт химийн үйлдвэр дэлбэрч 9 хүн гэмтсэн байна. Тус мужийн Зыбо хотод байрлах химийн үйлдвэрийн агуулахад гал гарсан байна.

Энэхүү химийн бодис дэлбэрсэн явдал хоёр дахь удаагаа болж байгаа явдал юм. Энэ сарын 12-нд Тяньжин хотын химийн бодис хадгалж байсан агуулахад дэлбэрэлт болсны уршгаар 121 хүн амиа алдаж, 720 гаруй хүн бэртэж гэмтсэн юм. Түүнчлэн 54 хүн өнөөг хүртэл сураггүй байгаа билээ.

Ийнхүү тус улсад үйлдвэрлэлтэй холбоотой томоохон ослууд гарсаар байгаа нь эрх баригчдыг түгшээж байгаа юм.

Эх сурвалж: Шуурхай.мн