Өмнөговь аймгийн Баян-Овоо сумын Улаан гэх газарт XV 007681 тоот хайгуулын лиценз эзэмшигч “Гоулдэн нар” ХХК-тай холбогдох хэргийг хууль хяналтын байгууллага шалгаж эхэллээ. “Гоулдэн нар” нь С.Оюун гишүүний нөхөр Ч.Энхбаяр болон Японы талтай хамтарсан компани бөгөөд Японы талын багагүй хэмжээний хөрөнгө оруулалтаар нэлээд хэдэн жилийн өмнөөс хайгуулын үйл ажиллагаа явуулж иржээ.

Харамсалтай нь Ч.Энхбаяр хөрөнгө оруулагчдаа хулхидсанаас Японы тал ийнхүү Монголын хууль хяналтын байгууллагад хандаад байгаа юм байна. Эх сурвалжийн хэлснээр тэрбээр “Гоулдэн нар” компанийн захирлын албан тушаалаа ашиглан япончуудын эзэмшиж байсан тодорхой хувийг хулхидан бас нэгэн гаднын хөрөнгө оруулагчид зувчуулсан нь олон улсын хэмжээний маргааныг ч дэгдээж магадгүй болжээ.

Д.ОЮУН