Нийслэлийн 9 дүүрэг, инженер хангамжийн байгууллагууд наадам угтан Төв цэнгэлдэх хүрээлэнгийн цахилгаан хангамжийн найдвартай ажиллагааг хангах зорилгоор 6 кв-ын 24 кабель шугамд трассын дагуу үзлэг явуулжээ.

Мөн кабелиудад оношилгоо хийн, 28 дэд станцын 49 трансформаторыг туршсан байна. “Хүй долоон худаг”-ийн А тойрогт 630 квт чадалтай 10/0,4 кВ-ын 1 ком КТПН-ийг1890 квт чадалтай болгосон.

Дашрамд хэлэхэд нийслэлийн гэр хорооллын цахилгаангүй өрхүүдийг цахилгаантай болгохоор нэг тэрбум нэг зуун сая төгрөгийн ажлыг 12 байршилд хийхээр төлөвлөсөн.

Хотын Ерөнхий менежер Б.Бадрал дүүргүүд, инженер хангамж, нийтийн үйлчилгээний байгууллагуудад  Үндэсний их баяр наадмын зохион байгуулалтад анхаарах, үер усны аюулаас сэргийлэх, гэрэлтүүлэгт анхаарах, барилгын суурь ухах, зам талбай сэтлэх ажлыг наадмын үеэр хийлгэхгүй байх үүрэг өгчээ.