Анх “Гала” хамтлагаас урлагийн гараагаа эхэлсэн дуучин Ану буюу Ч.Уранхолбоо ээж болоод уран бүтээлээсээ хөндийрч нам гүмхэн байгаа. Хувийн амьдралаа ихэд нууцалдаг тэрээр дахин хөөрхөн охины ээж болсон билээ. Мөн саяхан олны анхаарлыг үргэлж татдаг сайхан бүсгүй маань хөл хүнд 7 сартай байх үеийнхээ зургаа олонд дэлгэсэн. Түүнийг анхны охиноо төрүүлэх үед тээгч эхээр төрүүлсэн хэмээн амтай болгон ярьж байсан. Тэгвэл тэдний яриа худлаа болохыг жирэмсэн үеийн зургаараа баталсан. Тэр ч бүү хэл хоёр хөөрхөн охинтой болсон ч гоо сайхнаараа байгаа дуучин маань том охиноо хөхүүлж байгаа зургаа ч цахим хуудаснаа нийтэлсэн юм.  Тэрээр “Хоёр нас хүртэл нь хөхүүллээ. Одоо дүүгээ бодох хэрэгтэй учраас мөөмнөөс нь гаргана” хэмээжээ. Түүний том охиноо хөхүүлж буй зураг нь ч цахим хуудасны найзуудынх нь анхаарлыг ихэд татсан юм.

Эх сурвалж: Шуурхай.мн