УИХ-ын гишүүн сонгууль дөхөхөөр л нийтэд таалагдахын тулд юу ч хийхээс буцахгүй болох юм.

Өмнөх сонгуулиар гишүүд дуу дуулж дуулах авьяасаа гэнэтхэн нээсэн бол энэ жил эрхэм гишүүд ном бичиж иргэддээ таалагдах “пр”- аа хийж явна.

МАН-д залагдаж ороод, гологдсон хүүхэн болсон М.Ичинноров “Үнэ цэнэ” гэсэн ном гаргасан. Батж. Батбаяр 4 хүүдээ зориулан бичсэн захидалаараа ном гаргасан. Үүнийг нь УИХ-ын гишүүн Л.Гүндалай шууд хуулбарлаж, “ Хүүхдүүддээ бичсэн захидал” нэртэй ном гаргасан юмсан.

2008 онд “ Хайрлахгүй байхын аргагүй” номоо бичсэн туршлагатай улс төрч Л.Гүндалай гишүүн хоёр дахь номоо гаргахаар болсон байна лээ. Түүний ном их л сонирхолтой болсон гэнэ лээ. Түүнчлэн ном бичсэн нөхдөөсөө санаа авч ээлжит сонгуулиас өмнө гаргах гэсэн эрхэм гишүүд цөөнгүй байгаа нь дуулдана билээ.

Ханьдаа, хүүхдүүддээ, сонгогчдодоо зохиулсан ном хүрээгээ тэлж, сүүлдээ нууц амрагтаа зориулж ном гаргах вий дээ. Цаад гишүүд чинь.

chuhal.mn