Нийслэлийн Засаг дарга бөгөөд Улаанбаатар хотын Захирагч Э.Бат-Үүл Францын кино найруулагч, зохиолч Жан Жак Анно, МУСТА, жүжигчин Р.Анхням нарыг хүлээн авч уулзлаа. Уулзалтаар кино урлагийн талаар санал солилцож, нийслэлийн 375 жилийн ойн медаль гардуулав.
Уулзалтын үеэр нийслэлийн Засаг дарга бөгөөд Улаанбаатар хотын Захирагч Э.Бат-Үүл “Улаанбаатар хотод тавтай морилж байна уу. Таньтай уулзаж байгаа маань нэр төрийн хэрэг болж байна. Би таны олон киног үзэж байсан. Гэхдээ энэ удаад “Чонон сүлд” киног үзэж чадаагүй нь харамсалтай байна. Таны бүтээсэн кинонууд сэтгэлзүйд маш хүчтэй нөлөө үзүүлдэг сайхан бүтээлүүд байдаг” гэлээ. Мөн тэрээр Улаанбаатар хот үүсэн байгуулагдсан түүхээс танилцуулж, энэ жил Улаанбаатар хотын 375 жилийн ой тохиосныг онцлоод Монгол Улсын нийслэлийг үүсгэн байгуулагч Өндөр гэгээн Занабазарын бие даасан музейтэй болох гэж байгаа талаар танилцууллаа.
Харин Францын найруулагч, зохиолч Жан Жак Анно “Монгол улсад хүрэлцэн ирсэндээ баяртай байна. Улаанбаатар хотод ирэх бүрт сайхан санагддаг. Энэ удаад бүр л сайхан болсон байна. “Чонон сүлд” киног дэлхийн олон оронд үзүүлж байхад танай орны байгалийн сайхныг биширсэн хүн олон Монгол руу очно гэж надад хэлж байсан. Цаашид Монголын кино урлагийг хөгжүүлэхэд өөрийн хувь нэмрээ оруулахын төлөө ажиллана” гэв.
Жан Жак Анно нь Сорбоны их сургуулийн уран зохиолын ангийг дүүргэсэн бөгөөд ажлын гараагаа видео рекламаар эхэлж, 100 орчим реклам бүтээсний дараа 1976 онд “Black and White in Colour ” нэртэй анхны киногоороо Оскарын наадмаас шилдэг гадаад хэл дээрх киноны төрөлд түрүүлж байжээ.
Эх сурвалж: Шуурхай.мн
Холбоотой мэдээ
-
зочин (April 21, 2015 11:42:44 am )
жижигчин Анхнямд гавъяат цол өгмөөр байна шүү
-
zochin (April 21, 2015 10:46:06 pm )
ter yu bureesen yum be.hoshin shogiin l balai huuhnuudiin neg biz dee
-
zochin (April 21, 2015 10:55:47 pm )
Tiim baikhaa.yun gaviyat ih goridvoo.
-
хорчин (April 22, 2015 12:30:04 pm )
Жаахан хүндэтгээд киног нь үзчихгүйдээээ.
-
уншигч (April 22, 2015 4:01:25 pm )
хятадын бичсн энэ зохиол чинь манай намдаг гуайн чонын тухай бичсэн өгүүллийн чигчий хуруунд нь ч хүрэхгүй эд байна лээ шүү дээ нэгл их нуршсан
-
idere (April 22, 2015 6:57:58 pm )
намдаг гуайн ,хөгшин чоно ульсан нь зохиолын дэргэд бол үгэн сувс
6 Comments