Хайрын олон сайхан дуугаараа монголчуудын зүрхийг эзэмдэж явсан МУСТА, дуучин С.Сэрчмаа харийн бэр болон одсон ч эргээд ирсэн билээ. Эх орондоо ирсэн нь хэсэгтээ л хэвлэлээр шуугиан дэгдээгээд авсан дууч шувуухай маань хэсэг “NB and Sally” цахим нэвтрүүлэг хөтлөн явуулсан. Охиноо өсгөхөөр, уран бүтээлээ хойш тавиад байсан тэрбээр сүүлийн үед хэд хэдэн тоглолтод дуулж, фэнүүдийнхээ сонорыг мялаах болсон.

Тэгвэл дуучин С.Сэрчмаа цахим хуудсаараа дамжуулан олны танил найзууддаа нэгэн зөвлөгөө өгчээ. Тэрээр “Өнөөдөр охинтойгоо гадуур хооллоод тэгээд нөгөө хоолны газраасаа гараад машин руугаа явж байсан чинь гэнэт хаа нэгтээгээс нэг залуу гүйж гарч ирээд миний зургийг чк чк чк гээд баахан дарж өгдөг байгаа. Хүн сандарсандаа нүүрээ дардаг юм байна лээ. Гэнэт би бодлоо. Ер нь яагаад зургаа гоё авхуулж болохгүй гэж… Тэгээд машиндаа суугаад цонхоо нээгээд инээгээд зургаа тухтай нь аргагүй даруулсан чинь тэр залуу хүрч ирээд надад аль телевиз, сайтад ажилладгаа хэлээд баярлалаа гээд яваад өгсөн шүү. Тэгэхээр манай олны танил хүмүүс сандарч шоконд орохдоо нүүрээ дарах, эсвэл уурлах зэрэг гэнэт сэтгэлээс гарах хөдлөлөө үзүүлдэг нь хөөрхий буруу биш бололтой” хэмээв.

Эх сурвалж: Шуурхай.мн