Элсэлтийн ерөнхий шалгалтын сэдвийн агуулгад задгай хэл гэрийн даалгавар оруулна гэж Боловсролын үнэлгээний төвөөс мэдэгдлээ. Тестийн шалгалтын сул тал нь шалгуулагч хувилбаруудыг нь тааж сонгох магадлал өндөр байдгаас тухайн хичээлийн талаар мэдлэггүй байсан ч их, дээд сургуульд элсэн орох нөхцөл бүрддэг аж. Боловсролын үнэлгээний төвийн Элсэлтийн болон улсын шалгалт хариуцсан хэлтсийн дарга Л.Ганбат хэлэхдээ, “Энэ жилийн монгол хэл, бичгийн шалгалтын сэдвийн агуулгад тес тийн хэлбэрийг 40 хувь, задгай хэлбэрийн даалгаврыг 60 хувиар тооцон оруулсан. Задгай хэлбэрт монгол бичгээр уншиж ойлгох, зөв найруулан, алдаагүй бичих зэрэг даалгаврыг багтаасан. Даалгавруудыг мэргэжлийн багш нарын оролцоотой гараар засах, дүгнэх ажлыг зохион байгуулна. Энэ жилийн элсэлтийн шалгалтад англи, монгол, орос хэлний хичээлд сонсох чадварыг шалгахыг агуулгад нь тусгаж өгсөн гэлээ.