Өмнөговь аймаг энэ сарын 17-ноос эхлэн нөөцийн махаа худалдаанд гаргажээ. Тус аймгийн төвд махны үнэ өмнөхөөсөө 800-1200 төгрөгөөр нэмэгдэн, хониных 7500, ямааных 7000 төгрөгт хүрч, тэмээний мах зарагдахгүй байгаа аж. Нөөцийн махыг “Хан сайхан говь” ХХК-ийн борлуулалтын цэгүүдээр долдугаар сарын 1-н хүртэл худалдаалах юм байна. Одоогоор тус компани 40 гаруй тонн махны нөөцтэй байгаа аж.