Өнөөдөр “Ноёд” группийн Ерөнхийлөгч Г.Буяндоржийн давж заалдсан гомдлыг Эрүүгийн хэргийн давж заалдах шатны 10 дугаар шүүхэд хэлэлцэнэ. Түүнийг Прокурорын байгууллагаас шүүхэд нөлөөлж, хууль бус шийдвэр гаргуулсан, Дарханы төмөрлөгийн үйлдвэрээс баяжмал авч өгөх нэрээр БНХАУ-ын иргэдээс 1,2 сая ам.доллар залилсан, иргэн С.Билэгтээс “Ноёд констракшн” компаниа эргүүлэн авах гэж хуурамч бичиг баримт бүрдүүлсэн зэрэгт буруутган шүүхэд шилжүүлсэн юм.

Анхан шатны шүүхээс хоёр жил гурван сарын хорих ял оноогоод байгаа бөгөөд шүүхийн шийдвэрийг эсэргүүцэж ийн гомдол гаргасан юм. Мөн эл хэрэгт холбогдсон Ч.Ууганбаяр, Б.Батжаргал нарыг цагаатгах шийдвэрийг гаргажээ.