Хэд хэдэн удаа хувьчлал явагдаж, өдгөө төрийн дансанд маш цөөн объектууд үлдсэн гэхэд болно. Ардчилсан нам засаг барьж байх ахуй цагт өмч хувьчлалын асуудал хүчтэй дэгддэг. Энэ удаад ч өмч хувьчлалын асуудал газар сайгүй яригдаж байна. Өчигдөрхөн гэхэд л Нийслэлийн иргэдийн төлөөлөгчдийн тэргүүлэгчдийн хуралдаанаар өмч хувьчлалын асуудал орж ирсэн байна. Хамгийн сонирхолтой нь Хуримын ордонг хувьчлах асуудал орж ирсэн аж. Харин Эрүүл мэндийн дэд сайд асан, НИТХ-ын хурлын төлөөлөгч Ж.Амарсанаа Хуримын ордонг хувьчлахын эсрэг санал өгчээ.

Тэрээр энэ тухайгаа өөрийн цахим хуудаснаа ийн жиргэжээ. Миний хувьд Хуримын ордон, зарим эмнэлгүүдийг хувьчлахын эсрэг санал өгсөн. Эсэргүүцэх хэд хэдэн шалтгаан байна. Нэгдүгээрт, хувьчилж аваад зориулалтыг нь өөрчилвөл яах болж байна. Хоёрудгаарт, нураагаад оффис барьчихвал яах вэ. Гуравдугаарт, зориулалтаар нь ашиглана гэчихээд гуравдагч этгээдэд зарчихвал яах юм. Дөрөвдүгээрт,  зориулалтаар нь ашигласан ч хашаан дотор нь ямар ч зохицолдоогүй барилга бариад эхэлбэл яах вэ.

 Энэ хуримын ордон чинь олон үеийн залуусын насан туршийн дурсамж дүүрэн соёлын өв шүү дээ. Миний хувьд нийслэлд Гандан, Хуримын ордон хоёр байгаагаараа байвал зүгээр гэж боддог. Паркаа хувьчлаад юу боллоо хэмээн жиргэсэн байна.