Завхан аймгийн Тосонцэнгэл сумын Оргих багийн “Дуганатын хясаа” гэдэг газар Идэр голын мөсөн дээгүүр зорчиж явсан 31-66 УБУ улсын дугаартай 21 хүнтэй зорчигч тээврийн автобус мөс цөмөрсний улмаас голын усанд суусан байна. Энэ тухай дуудлагаар тус аймгийн Онцгой байдлын хэлтсийн гурван албан хаагч өчигдөр ажиллаж, автобусыг голын уснаас татаж гаргажээ. Манай орны гол мөрөн, нуурын мөсний зузаан өмнөх оны мөн үетэй харьцуулахад 10-50 см-ээр нимгэрсэн. Иймд иргэд гол мөрөн дээгүүр явганаар болон автомашин, техник хэрэгсэлтэйгээр зорчихгүй байж, мөс цөмрөх аюулаас сэрэмжлэн болзошгүй эрсдэлээс урьдчилан сэргийлж, цаг агаарын мэдээллийг тогтмол сонсох, мэргэжлийн байгууллагаас өгч буй заавар, зөвлөмжийг биелүүлэх, аян замд гарахдаа автомашин техникийн бүрэн байдлыг ханган аюулгүй байдлаа хангахыг Онцгой байдлын ерөнхий газраас анхаарууллаа.
Шуурхай.мн
Холбоотой мэдээ
-
ЗОЗОЧИЗОЧИННэЗОзозочинчинЗзочинӨВ.зочинЧзочинИНзоззочиночинчинмээЧИзочинНзочинзочинчинзочин (March 04, 2015 1:55:05 pm )
Хэлээд байхад аминаасаа уйдсан юм шиг заавал мөсөн дээгүүр явдаг нь. Дөтийг харж дөрөв хонов гэгч болж дээ.
-
Зочин (March 04, 2015 3:30:39 pm )
Онцгой байдлын газраас хэлж ярьж байгаа зүйлийг амьдралдаа хэрэгжүүлэн, маршрутын замаар явж байлдаа. Гадаад орнуудад манайх шиг дөтийг харж бие биедээ ажил нэмдэгүй л байх. Тогтоосон зам маршрутаар явж сурцгаа.
2 Comments