2015 оны хоёрдугаар сарын 27-ны 23:15 цагийн үед Оросын нэртэй улстөрч, сөрөг хүчний удирдагч Борис Немцов бусдын гарт амиа алджээ. Тэрээр Улаан талбайгаас 200 орчим метрын зайд орших “Большой Камменный” хэмээх гүүрэн дээр найзын хамт алхаж явах үед цагаан автомашинтай  этгээдүүд дөрвөн удаа буудаад хэргийн газраас зугтсан аж.

Одоогоор Оросын нэртэй услтөрчийн амийг хөнөөсөн алуурчдыг эрэн хайх ажил явагдаж байгаа бөгөөд сүүлийн мэдээгээр тэдний унаж явсан автомашины дугаарыг илрүүлсэн тухай мэдээлэл цацагдаж байна.

ОХУ-ын ерөнхийлөгч В.Путин Борис Немцов алагдсан талаар мэдээлэл авсны даруй гэр бүлийнхэнд нь эмгэнэл илэрхийлж “Энэ бол улс төрийн захиалгат аллага” хэмээн мөрдөх ажиллагааг өөрийн биеэр хянаж ажиллахаа мэдэгдэв.

Мөн тус улсын Мөрдөн байцаах газраас “Оросын сөрөг хүчний улстөрч Борис Немцовын аллагын талаарх мэдээ, мэдээллийг 3 сая рублиэр худалдаж авна” гэж мэдэгдлээ. Гэрчийн этгээдүүд болон үнэ цэнэтэй мэдээлэл өгсөн хүмүүсийг бүрэн хамгаалалтад авна гэдгээ ч амлаж байна.

Эх сурвалж: Шуурхай.мн