“Ноён” ууланд олборлолт хийхийг эсэргүүцэн  “Босоо хөх монгол” бүлгэмийн гишүүд болон  тэднийг дэмжин нэгдсэн иргэд өлсгөлөн зарлаад долоо хонож байна.

Өнгөрсөн хугацаанд тэд төрийн түшээдэд Ноён” ууланд олборлолт хийхгүй байхыг шаардсан бичгийг хэдэнтэй хүргүүлсэн. Гэсэн ч өнөөг хүртэл тэдний шаардлагад  ямар нэгэн хариу  өгөөгүй байгаа юм.

Тиймээс өлсгөлөн зарлаж байгаа иргэд өчигдөр Ерөнхийлөгч Ц.Элбэгдоржид дахин албан шаардлага хүргүүлжээ. Ингэхдээ УИХ-ын Өргөдлийн байнгын хорооны дарга О.Баасанхүүд хандан 16 мянган иргэний гарын үсэг бүхий шаардлагыг хамтад нь хүргүүлсэн байна.

УИХ-ын өчигдрийн хуралдаанаар Гацууртын ордын асуудлыг хэлэлцээд дэмжлэг аваагүй билээ.