Анх “Гала” хамтлагаас урлагийн гараагаа эхэлсэн дуучин Ану буюу Ч.Уранхолбоо ээж болоод нам гүмхэн байгаа. Дуучин гэхээсээ илүү өөрийнхөө зургийг элдэв янзаар авахуулах хоббигоороо фэйсбүүкийн од болсон гэхэд буруудахгүй. Ганган хээнцэр хувцас, гуалиг бие хаагаа гайхуулсан зургаа өдөр бүр шахуу л авахуулах болсон тэрээр хуримын даашинзтай зургаа “Coming soon” хэмээн тайлбартай оруулжээ. Түүний фенүүд тун удахгүй хуримаа хийхээр бэлтгэлдээ орж байгаа бололтой хэмээн ерөөлийн сэтгэгдлүүд үлдээжээ.

Ямар нэг реклам, уран бүтээлийн зураг  авалт биш бол дуучин Ану хуримын даашинзаа сонгож, албан ёсоор айлын эзэгтэй болохоор зэхэж буй бололтой. Учир нь хүний эхнэр, хүүхдийн ээж болсон ч дуучин Ану хуримаа хийгээгүй байгаа юм. Магадгүй тун удахгүй хайрт залуутайгаа албан ёсоор хуримаа хийх гэж байж болох юм…

Эх сурвалж: Шуурхай.мн