Сар шинийн баяр болохтой холбогдуулан иргэд нь нийтийн эзэмшлийн гудамж, талбайд ариун цэвэр, эрүүл ахуйн шаардлага хангахгүй нөхцөлд гэр барьж ууц, өвчүү, мах чанах зэрэг үйлчилгээ үзүүлдэг.

Иймд Нийслэлийн Иргэдийн төлөөлөгчдийн хурлын тэргүүлэгчдийн тогтоолоор“Нийтийн эзэмшлийн гудамж, талбайд зориулалтын бус ажлын байранд айраг худалдаалах, ууц, өвчүү, мах чанах зэрэг нийтийн хоолны үйлдвэрлэл үйлчилгээ явуулахыг хориглоно” гэж заасан байдаг. Мөн тус тогтоолд зааснаар хяналт тавих үүргийн хүрээнд өөрийн дүүргийн нутаг дэвсгэрт дээрх үйл ажиллагааг явуулахгүй байх арга хэмжээг авч хамтран ажиллах талаар зургаан дүүргийн Засаг даргад албан тоот хүргүүлжээ.