Улсын төсвийн хөрөнгө оруулалтаар Яармагийн гүүрнээс Нисэх-Нисэхийн товчоо, Сонсголонгийн уулзвараас Яармагийн товчоо хүртэлх 13.7 км авто замыг барьж 2014 онд ашиглалтад оруулсан. Уг замд өнгөрсөн онд зам тээврийн ослоор 20 хүн амь насаа алджээ. Он гарсаар эхний 14 хоногийн байдлаар 1 хүн нас барж, 9 хүн гэмтээд байна.
Энэхүү замаар хөдөлгөөнд оролцож байгаа тээврийн хэрэгслийн жолооч нар хурд хэтрүүлэх, гэрэл дохио зөрчих, явган хүний гарцын тэмдэг тэмдэглэл баримталдаггүй зэрэг зөрчлийг ихэвчлэн гаргаж байна. Харин явган зорчигчид тээврийн хэрэгслийн урдуур гүйх, гарцгүй газраар зам хөндлөн гарах зэрэг зөрчлөөс үүдэн амь нас, эрүүл мэндээрээ хохирох явдал их байна. Иймд замын хөдөлгөөнд оролцогчид хууль дүрмээ сахин биелүүлж, бие биедээ хүндэтгэлтэй хандаж замын хөдөлгөөнд соёлтой, сахилгатай оролцохыг анхааруулж байна гэж Улаанбаатар хотын Замын Цагдаагийн газраас мэдээллээ.
Холбоотой мэдээ
-
зочин (January 21, 2015 8:42:52 am )
энэ үнэн би яармагийн 8-р хорооны иргэн нисэхийн аюулгүй тойргийн уулзвар түүнээс уруудахад маш хүндрэлтэй жолооч нар маш хурц гэрэлтэй мөн дээрээс нь маш их хурдтай явж байгаа нь яалтгүй үнэн тэр замууд дээр хурд хэмжигч тавьж жинхэнэ торгуулийг тэнд авмаар байна мөн хурц гэрлийг яах ёстой вэ маш тод хурц гэрэлтэй явах ёстой юу гэрлийн стандарт гэж байна уу үүнийг ЗЦгазраас асуумаар байна гэрлийн гялбаа түүнд зохигдож явах маш хэцүү байна гэрэл шилжүүлдэг жолооч огт байхгүй болжээ үүнийг анхааралдаа авмаар байна бас нэг хэлэх зүйл залуучууд замын хөдөлгөөнд орохдоо маш их онгироо зам хөнлөн гулд их сэлгэж явж байна эмэгтэйчүүдийг замын хөдөлгөөнд орж байхад дарамт үзүүлэж явдаг шүү үүнийг анхаарч ажилламаар байх юм орой ажил тараад сургуул цэцэрлэгээс хүүхдээ авах үед загдаа нар замыг зохицуулах гэж оролдох юм энэ нэг биш бүр түгрүүлээд хүний алтан цагийг их үрэх юм яагаад гэрлэн тохиотой газар цадаа зохицуулаад байгаа юм бэ тохиогоороо явбал яасийн байдаг алсаас хянаад харж болохгүй юу
1 Comment