“Цахилгаан тээврийн” Д.Жаргалсайхан “Номин”-гийн Ш.Баярсайханыг, цаашлаад Монголын ард түмнийг хуурсан уу
Монгол инженерийн ухаанаар бүтсэн  “Eco bus” буюу Эко Автобусыг удахгүй нийтийн тээвэрт явуулж эхэлнэ гээд л нэг хэсэг шуугиж байлаа. Төрийн гурван өндөрлөгөөсөө эхлээд жирийн иргэнээ хүртэл хөл хөөрцөг болон баярлаж, монгол хүнийхээ ур ухаанаар бахдацгааж байсан. Гэтэл үнэндээ нийтийн тээврийн энэхүү Эко автобусыг монголд үйлдвэрлэх биш зүгээр л урд хөршөөс эд ангийг нь оруулж ирээд угсардаг болохыг бид өмнө нь мэдээлж байсан билээ.
Үндэсний үйлдвэрлэлээ дэмжилгүй яах вэ. Гэхдээ ядаж моторны нэг боолтыг үйлдвэрлэчихээд Эко автобус үйлдвэрлэлээ гэж ярьсан бол илүү итгэл үнэмшилтэй байх байлаа. Харин эд ангиудыг оруулж ирээд нийлүүлж угсарсаныг угсралт гэх болохоос үйлдвэрлэл гэхгүй шүү дээ.
Тэгтэл Цахилгаан тээвэр компанийн захирлаар арав гаруй жил ажилласан Д.Жаргалсайхан нийлүүлж угсарсан автобусаа үйлдвэрлэсэн хэмээн зарлаж, төрд асар өндөр үнээр буюу нэг автобус бүрийг 160 мянган доллараар зарах гэж байсан ч энэ удаа бүтэлгүйтсэн сурагтай.
Аргагүй шүү дээ, бусад нийтийн тээврийн компаниуд автобус үйлдвэрлэлээрээ дэлхийд давдугаарт ордог “Зантау”-гийн унааг 50 мянган ам.доллараар оруулж ирсэн байхад урдаас авч ирж нийлүүлэн угсарсаныгаа 160 мянган ам.доллараар улсад шахах гэж оролдох нь шившиг биш гэж үү.
Иймээс нэг авютобуснаас л 100 гаруй мянган доллар унагах зорилготой байсан Д.Жаргалсайхан ихэд бухимдалтай байхын зэрэгцээ “Номин”-гийн Ш.Баярсайханы өмнө улалзаад нүүрээ хийх газаргүй болоод буй бололтой.

Учир нь “Номин”-гийн Ш.Баярсайханы хөрөнгө оруулалтаар энэхүү автобусыг угсарсан юм байна. Мэдээж бизнесмен эрийн толгойг Д.Жаргалсайхан ийм сайхан эко автобус үйлдвэрлэнэ, улсад шахаад тийм их хэмжээний ашиг олно гэх мэтээр чамгүй сайн эргүүлсэн болов уу. Тэгтэл өдгөө асуудал Д.Жаргалсайханы төлөвлөснөөс өөрөөр эргэж, тендерт Беларусийн автобусыг оруулж ирэх баг ялж байгаа гэнэ. Ингэснээр улсын төсвөөс нийтийн тээвэрт гаргах мөнгөний урсгал 2 тэрбум гаруй төгрөгөөр хэмнэгдэж байгаа аж.
Мэдээж төр мөнгөө хэмнэх ёстой. Хямд, чанартай автобусыг сонгох нь төрийн зарчим шүү дээ.
Уг нь 2009 онд Дайвогийн 400 автобусыг 24 сая ам.доллараар л оруулж ирж байсан аж. Одоо бол Д.Жаргалсайхан нарын хүмүүс нэг автобус бүрийг 160 мянган ам.доллараар шахах оролдлого хийдэг болжээ. Үүнээс үзвэл Монгол үйлдвэрлэлээ дэмжих Монгол түмний сайхан сэтгэл дээр зарим нэг хүмүүс хэмжээлшгүй их ашиг олох, татвар төлөгчдийн мөнгийг арга залиар амархан хумсалж тоглолт хийх гэдэг болжээ.
Мөн Нийтийн тээврийн худалдан авалтын санд 24 тэрбум төгрөг бэлнээр орж ирсэн учраас Д.Жаргалсайхан 20 автобус угсарсан болоод улсад шахахаар улайрч байна гэсэн бор шувуу нисэлдэж байна лээ. Үнэхээр ч улсын автобус компанид биш хувийн тээврийн компаниуд Д.Жаргалсайханы угсарсан автобусуудыг тоож худалдан авсан бол бидэнд хардах эрх байхгүй байлаа. Гэтэл хувийн нийтийн тээврийн компаниуд Д.Жаргалсайханы эко автобусыг чанарын баталгаагүй, туршилт туршлагагүй, тэнгэрт хадсан өндөр үнэтэй хэмээн дүгнэж байна.
Ер нь Д.Жаргалсайхан мөнгийг нэгдүгээрт тавихаасаа хүний амь насны тухай бодлоо үнэ цэнтэй болгох ёстой байж. Өөрөөр хэлбэл хүн тээвэр угсрахаасаа өмнө ачааны машин үйлдвэрлэж үзэх хэрэгтэй байсан юм. Наад зах нь угсарсан атобусаа туршиж, 20 км.цагийн хурдтай давхиулж бетон мөргүүлээд эд ангиудаас нь юу нь салж унахыг харах хэрэгтэй шүү дээ. Муу ёрлож байгаа юм биш, эко автобус нь аваар хийвэл нийлүүлж гагнасан төмрүүд нь хичнээн хүнийг сүлбэж алахыг хэн ч мэдэхгүй. Тэр цагт автобусыг угсарч, улсад шахсанаараа Д.Жаргалсайхан хариуцлага хүлээх үү, эсвэл аваар хийсэн автобусны жолооч болон уг компани олон хүний алтан амьны өрөнд орох уу гэдгийг бодох л ёстой.
Иймээс Д.Жаргалсайхан хүн тээврийн унаа угсрахаасаа өмнө ачааны машин үйлдвэрлэж үзэх хэрэгтэй аж. Эсвэл Монгол хүний амь Д.Жаргалсайханы хувьд огтоос үнэ цэнгүй болсон бөгөөд түүний нүдэнд мөнгө л илүү харагддаг юм уу.
Ямартай ч Д.Жаргалсайхан “Номин”-гийн Ш.Баярсайханыг хулхидаад зогсохгүй Монгол төр, Монголын ард түмнийг хуурах гэж оролдсон нь бүтэлгүйтэв бололтой.

http://mongolcomments.mn/index.php?pid=54&sec=view&id=14131