Холливудын шилдэг эмэгтэй жүжигчдийн нэг Анжелина Жоли сүүлчийн дүрээ бүтээсэн талаар Лондоны “Mail On Sunday” сонинд бичжээ. Жоли одоогоор Клеопатрын дүрийг бүтээж байгаа бөгөөд жүжигчний карьераа өндөрлөсөн байна. Тэрбээр зодог тайлсан ч Холливудыг орхиж кино урлагаас хөндийрөх хүсэлгүй байгаа аж. Анжелина Жоли “Би жүжигчний карьераа өндөрлөвөл найруулагч эсвэл зохиолч болно. Би найруулагчийн ажлыг хийж чадна гэдэгтээ итгэлтэй байна” хэмээн ярилцлагадаа дурдаж байсан юм. Тэрбээр 2011 онд Боснид дэгдсэн иргэний дайны тухай кинонд туслах найруулагчаар ажиллаж байжээ.