Итали улсын Ром хотод болсон Олон улсын туялзуур сэлэмний холбооны конгрессын хуралд манай улсаас Туялзуур сэлэмний холбооны дэд ерөнхийлөгч Л.Ганпүрэв, Ерөнхий нарийн бичгийн дарга Б.Хосбаяр нар оролцсон юм. Эл уулзалтаар 2015 онд Улаанбаатар хотноо зохион байгуулах Азийн залуучуудын аварга шалгаруулах тэмцээнийг есдүгээр сарын 7-12-нд зохион байгуулахаар шийдвэрлэсэн байна. Үүнээс гадна Азийн туялзуур сэлэмний холбооны Ерөнхий Ассемблейг Улаанбаатар хотноо зохион байгуулахаар болжээ.
Ирэх онд манай улсад болох хуралд Азийн 35 улсын туялзуур сэлэмний холбооны төлөөлөгч болон FIE-ийн ерөнхийлөгч Алишер Усманов оролцох юм. Мөн Монгол, Японы туялзуур сэлэмний холбоо хамтран тусгай хөтөлбөр хэрэгжүүлэхээр болсон бөгөөд элч төлөөлөгчөөр олимпийн хошой мөнгөн медальт Юки Отаг сонгожээ.