“Миний буурал ээж” хэмээх алтан үеийн сайхан дууг дахин амилуулж, өөр өнгө аясаар сонсогч олныхоо сонорыг мялаасан залуу дуучин Г.Дэлгэрцогт  “Хайрламаар” нэртэй ээлжит уран бүтээлээ өлгийдөн авлаа.  Түүний энэ удаагийн гаргасан бүтээл нь мөн л шинэ өнгө төрхтэй, цоглог бүтээл болж чаджээ.  Энэхүү дууны аяыг МУСТА Б.Пүрэвсүрэн зохиож, үгийг Ш.Урьхан бичжээ.  Түүнчлэн “Аянга” студи хөгжмийн найруулга дээр ажилласан бол 2B entertainment клипийг нь хийж гүйцэтгэсэн байна.  Дашрамд хэлэхэд залуу дуучин маань анхныхаа бие даасан цомгийг удахгүй гаргахаар ажиллаж байгаа аж. Түүний “Хайрламаар” дуу нь цоглог хэмнэл, клипний зураг авалт өвөрмөц болсон хэмээн сонсогч олон дүгнэж эхлээд байна. Тэрбээр өөрийн өнгө аяс, уран бүтээлээрээ бусад залуу дуучдаас ялгарч чаддаг юм.

Д.Сувд