Өнгөрсөн сард дөнгөж төрсөн хоёр ч нярайг төрүүлсэн эх нь гадаа хаясны улмаас осгож амиа алдсан хэрэг гарсан. Тэдний нэгийг нь цагдаагийн байгууллага одоог хүртэл олоогүй бол нөгөөг саатуулан шалгаж байгаа. 19 настай Б гэгч анхны төрөлтөөр охинтой болсон ч түүнийг өөрөө тэжээж өсгөхийг хүсээгүй учраас “Өөр хэн нэгэн авч өсгөх байх” хэмээн найдсандаа гадаа хаясан хэмээн мэдүүлээд байгаа. Гадаа хасах градустай байгаа намрын жихүүн өдрүүдэд дөнгөж төрсөн нярай осгож амиа алдсан. Энэ хэргийн дуулиан харуусал намжиж амжаагүй байтал хоёрхон сартай хүүхдээ орцонд хаясан хэрэг орон нутагт гарчээ.

Тодруулбал Дархан-Уул аймгийн тавдугаар багийн 20 хороо долоодугаар байрны орцонд хоёрхон сартай хүүгээ орхиж явсан хэрэг гарсан байна. Уг хүүхдийг олсон хүмүүс тэр даруйдаа эмчид үзүүлэхэд бага зэргийн ханиадтай гэсэн онош тавьсан байна.

Бяцхан хүүг эмнэлэгт хүргэж, ээжийг нь эрэн сурвалжилж байна.

Гэрчүүдийн мэдээлж байгаагаар нярай хүүхдээ орхисон бүсгүй 19-20 насны үсээ дээш нь шууж боосон ягаан куртик, хар цүнх, хар гуталтай байсан гэж  мэдээлээд байгаа аж. Энэ хүний талаарх мэдээллийг Дархан-Уул аймгийн Цагдаагийн газрын 7037-102 дугаарын утсаар авч байгаа аж. Одоогоор уг хүүхдийг төрөх эмнэлэгт амаржсан ээжүүд ээлжлөн хөхүүлж байгаа гэнэ.