АНУ-ын Конгресийн номын сангийн мэдээлснээр хамгийн анхны бөгөөд хамгийн хуучны сельфиг 1839 онд Роберт Корнелиус авсан байдаг аж. Орчин үеийн технологитой харьцуулбал тэрээр өөрийнхөө зургийг авахын тулд 3-15 минут болсон гэжээ.

Оксфордын англи толь бичигт selfie хэмээх үгийг 2013 онд оруулсан байна. Энэ үгийг хамгийн анх 2002 онд хэрэглэжээ. Толь бичгийн тайлбарт бичсэнээр 2002 оны онлайн форумд оролцогч австрали эр согтуу байхдаа агсамнаж, өөрийгөө магтсаны дараа “Анхаарлыг чинь татсан бол уучлаарай, энэ бол сельфи байлаа” хэмээн хэлсэн аж.