Монголын эмэгтэйчүүдийн хө-дөлмөрийг дэмжих холбооноос Боловсрол, шинжлэх ухааны сайд Л.Гантөмөрт хандан албан бичиг хүргүүлсэн нь цахим ертөнцөд ихээхэн дэмжлэг аваад байна. Энэхүү албан бичгийн агуулга нь цэцэрлэгийн тарах хугацааг нэг цагаар хойшлуулбал олон мянган эцэг эхийн асуудал шийдэгдэх тухай аж. Өөрөөр хэлбэл, “Бид цэцэрлэгт сурч байгаа 75 мянга гаруй хүүхдийн эцэг эхийн нэрийн өмнөөс дараах хүсэлтийг танд хүргэж байна. Төрийн өмчийн цэцэрлэгүүд 17.00 цагаас тардаг нь ажил албатай аав, ээжүүдийн хувьд хүүхдээ цэцэрлэгээс нь цагтаа амжиж авах эсвэл ажлаа таслах сонголттой тулгардаг. Үүнээс болж гэр бүлийн гишүүд болон ажилтан, ажил олгогчдын дунд үл ойлголцол үүсэх зэрэг таагүй хүндрэлүүд үүсээд багагүй хугацаа өнгөрлөө. Тиймээс цэцэрлэгүүдийг “ 18.00 цагт тардаг болгон өөрчилбөл олон аав, ээж ажлаа тайван хийх нөхцөл бүрдэнэ. Дээрх шийдвэрийг гаргахад төсөвт ямар нэгэн хүндрэл гарахгүй. Цэцэрлэгийн ангийн багш нар орой нэг нэг цагаар хойш ажиллах асуудлыг шийднэ гэдэгт итгэлтэй байна” гэсэн аж. Тус холбооныхон энэхүү уриалгаа Нийслэлийн боловсролын газарт хүргүүлсэн бөгөөд “Боломжгүй” гэх товчхон хариулт авсан аж. Харин сайд Л.Ган төмөрт хаягласан хүсэлтийн хариу одоогоор ирээгүй байгаа юм байна.