Саяхан нээлтээ хийсэн “Тусгай ажиллагаа” инээдмийн уран сайхны кино үзэгчдийн таашаалд нийцэж өндөр үнэлгээ аваад байгаа билээ. Тэгвэл тус киног продюсерлэсэн жүжигчин Ө.Мөнхэрдэнэ олны анхаарлыг татсан шийдвэрийг гаргажээ. Тэрээр “Тусгай ажиллагаа” киноны нээлтийн үеэр ССАЖ-ын сайд Ц.Оюунгэрэл түүнд МУСТА цол тэмдэгээр мялаасан юм. Харин жүжигчин маань энэхүү цолоос татгалзаж Ц.Оюунгэрэл сайдад буцаан олгожээ. Түүний энэхүү үйлдлийг олон хүмүүс дэмжиж байгаа бөгөөд үнэгүйдсэн СТА тэмдэгийн утга алдагдаж байна хэмээн иргэд шүүмжлээд байгаа юм.

СТА цол тэмдэг орчин цагийн соёл урлагт үнэ цэнээ алдаж ганц хоёрхон жил дуулсан дорвитой хийж бүтээсэн зүйлгүй үзэмж, танил талаараа авсан, хүрээлэлдээ үнэлэгдэж амжаагүйхүүхдүүд хүртэх болсон нь нууц бишээ. Тиймээс жүжигчин Ө.Мөнхэрдэнэ зоригтойгоор ийм үйлдэл хийсэн байх. Тэрээр өөрийн цахим хуудастаа цолоо буцааж байгаа талаар мэдэгдэж “МУСТА Цол тэмдэгээ буцаан ологлоо… Учир нь энэ хүү цол тэмдэг нэгэн цаг үед уран бүтээлчдийн хүсэн хүлээдэг шагнал байлаа. Гэвч өнөөдөр хэн нь танигдахгүй юу хийсэн нь мэдэгдэхгүй хүүхдүүд урлагын сургууль төгсөхдөө ромбоныхоо хажууд зэрэгцүүлэн зүүж төгсөх нь холгүй болжээ. Надаас их хөдөлмөрлөж ихийг бүтээсэн атлаа одоог хүртэл МУСТА цол тэмдэгтэйгээ байгаа уран бүтээлчдээ би үгүйсэгсэнгүй… Хийсэн уран бүтээлийнхээ учрыг ч олоогүй байж цээжээ балаж яваа хүүхдүүдийн өмнөөс ичэв. Ийм нэр хүндгүй болсон шагналыг зүүж явах хүсэл алга. Нэг бол үнэхээр хийсэн бүтээсэнд нь өг үгүй бол хэзээч битгий өг…” хэмээн ССАЖ-ын сайд Ц.Оюунгэрэлд СТА тэмдэг, үнэмлэхээ өөрийн биеэр хүлээлгэн өгөв.

Эхсурвалж: Шуурхай.мн