“Эбола” вирусийн халдвартай бүртгэгдэж байгаа улс орнууд болон БНХАУ-д зайлшгүй шаардлагагүй бол зорчихгүй байхыг Гадаад харилцааны яамнаас анхаарууллаа.

Баруун Африкаас гаралтай Эбола вирус нь Гвиней, Либери, Сьерра-Леон, Нигер, Сенегал, Испани, АНУ, Бүгд найрамдах ардчилсан Конго зэрэг улсуудад тархсанаар нийт 9284 тохиолдол бүртгэгдэж 4604 хүн тус өвчнөөр нас бараад байна.

Тиймээс халдвартай орнуудад зорчихгүй байхаас гадна хилийн чанадад оршин сууж буй монгол иргэдэд өвчний шинж тэмдэг илэрсэн тохиолдолд тухайн улсад суугаа Монгол Улсын Дипломат төлөөлөгчийн газар болон тухайн орны холбогдох эрүүл мэндийн байгууллагад яаралтай мэдэгдэхийг зөвлөж байна.