Монгол улсын заан Ч.Санжаадамба БНСУ-д болж өндөрлөсөн олон улсын тэмцээнд хүч үзжээ. Солонгосын үндэсний спорт болох ширим барилдааны олон улсын тэмцээнд анх удаа оролцсон тэрбээр нэлээд амжилттай барилдсан байна. “Чонха Ширим бөхийн тэмцээн 2011” олон улсын нээлттэй тэмцээнд манай улсаас гадна Америк, Испани, ОХУ-ын бөхчүүд оролцжээ. Ч.Санжаадамбын хувьд 2.30 метр өндөр, 170 кг жинтэй америк эрийг өвдөг шороодуулж солонгосуудыг уулга алдуулж, гайхашруулсан гэнэ.