Нийслэлийн Мэдээллийн Технологийн Газар, Дэлхийн Банк, ШУТИС-КТМС сургууль, хүмүүнлэгийн OSM-Humanitarian багтай хамтран 2013 оны 10–р сард Улаанбаатар хотод OpenStreetMap төслийг хэрэгжүүлж эхэлсэн бөгөөд төслийн 2 дахь  шат 2014 оны 10 сараас эхлэх гэж байна. Бид энэ удаад Дэлхийн Банк, Азийн сантай хамтран ажиллана. Харин МУИС, МУБИС, ШУТИС, Улаанбаатар, Их Засаг зэрэг дотоодын их дээд сургуулиуд төслийг  дэмжин ажиллахаар  нэгдлээ.OpenStreetMap (OSM) гэдэг нь Дэлхийн газрын зураг зурах онлайн төсөл юм. Энэ төсөл Улаанбаатар хотод хэрэгжсэнээр газрын зураг дээрээс нийслэлийн барилга байгууламж, гудамж, зам, талбай,  ногоон байгууламж, үзвэр үйлчилгээний газар, сургууль цэцэрлэг гээд бүхий л байршлын мэдээллийг цахимаар харах боломжтой болох юм. /ЭНД дарж үзнэ үү./ OpenStreetMap нь нээлттэй газрын зураг бөгөөд иргэн та ч хөгжүүлж хувь нэмэрээ оруулах боломжтой гэж Нийслэлийн Мэдээллийн Технологийн газраас мэдээллээ.