Хойд Солонгосын удирдагч Ким Чен Ун эцэг Ким Чен Ирийг нас барснаас хойш улс орондоо багагүй шинэлчлэл хийж эхэлсэн билээ. Залуу удирдагч Ким Чен Ун хэсэг хугацаанд олон нийтийн үйл ажиллагаанд оролцоогүйгээс  дэлхийн хэвлэл мэдээллээр түүнийг нас барсан тухай шуугиан тариад байсан. Тэгвэл Ким Чен Уныг сар гаруйн хугацаанд нөхөн сэргээх эмчилгээнд хамрагдаж байх хооронд охин дүү Ким Ё Жүн нь төрийн эрхийг барьсан гэж CNN мэдээллжээ. Түүний дүү Ким Ё Жүн нь улсынхаа Хөдөлмөрчдийн намын орлогч дарга бөгөөд эрх мэдэлтэй нэгэн бөгөөд ах Кимтэйгээ хамт Швейцарьт боловсрол эзэмшсэн төдийгүй дөрвөн эгч, дүү нараасаа илүү өндөр албан тушаал хашдаг байна.