Эзэгтэй таны амралтын өдөрт зориулан Япон маягаар шарсан хачиртай үхэр, тахианы мах хэрхэн хийх талаар хүргэж байна. Амралтын өдрөө гэр бүлийхэнтэйгээ амтат ширээгээ тойрон сайхан зооглоорой.

Орц:

• Үхрийн мах- 200 гр
• Тахианы мах-200 гр
• Агшаасан будаа-300 гр
• Салатны навч- 50 гр
• Улаан лооль- 1 ширхэг
• Өргөст хэмх- 20 гр
• Лууван- 100 гр
• Ногоон сонгино- 20 гр
• Сонгино-30 гр
• Хулуу-20 гр
• Өндөг- 1 ширхэг

Хийх арга:

• Үхрийн мах, лууван, ногоон сонгиноо жижиглэж татна.
• Агшаасан будаагаа хайруулын тавгандаа хийж халаагаад дээрээс нь жижиглэж татсан үхрийн мах, лууван, ногоон сонгино, өндгөө хийж 2-3 минут хуураад таваглана.
• Энэ хооронд өөр нэг хайруулын тавганд тахианы махаа хийж хоёр талаас нь жигнээд шар буурцгийн соусаар амтлаад дөрвөн минут хуурна.
• Үүний дараагаар нарийхан савхан хэлбэртэй хэрчсэн лууван, хулуу, байцаа, сонгино зэргээ хамт нь 5-7 минут хуураад бага зэргийн давсаар амтална.
• Мөн махаа хуурч байх явцдаа өргөст хэмх, улаан лооль, салатны навчаар салат хийнэ.
• Эцэст нь тус тус нь хуурсан хачир болоод тахианы махаа салаттай хамт тавагласнаар таны хийж буй Хачиртай үхэр, тахиан мах бэлэн болно.