Испани улсын Гранада хотод буудлага спортын дэлхийн аваргын тэмцээн үргэлжилж байна. Дөрвөн жилд нэг удаа болдог энэхүү тэмцээн өчигдөр спорт гар бууны 25 метр, 50 метрийн хэвтээ 60 сумны эрэгтэйчүүдийн дасгалын урьдчилсан буудлага явагдсан. 25 метрийн буудлагад эх орноо төлөөлөн оролцсон О.Гүндэгмаа, Ц.Мөнхзул, Т.Баярцэцэг нар багийн дүнгээр 1739 оноо авч мөнгөн медалийн болзол хангажээ.

Энэ төрөлд БНХАУ-ын баг 1741 оноогоор алт, БНСУ-ын бүсгүйчүүд 1734 оноогоор хүрэл медалийн болзол хангасан аж. Монголын мэргэн бууч бүсгүйчүүд 1998 онд Испанийн Барселона хотод болсон дэлхийн аваргын энэ дасгалд хүрэл медаль авч байсан. Харин энэ удаа өмнөх амжилтаа ахиулж мөнгөн медаль хүртэж амжилттай оролцож байна.

Эх сурвалж: Шуурхай.мн