09:00 цагаас “Өөрчлөгдөж буй нийгмийн адилсал, интеграци ба задралын үйл явц” сэдэвт Олон улсын эрдэм шинжилгээний бага хурал ШУА-ийн Хүрээлэнгүүдийн 2 дугаар байранд зохион байгуулагдана. Утас: 330847

09:00-12:00 цагийн хооронд Нэгдсэн Үндэстний Байгууллагын Хүүхдийн Сангийн Монгол дахь суурин төлөөлөгчийн газраас МУ-ын Засгийн газар НҮБХС хамтран хэрэгжүүлэх 2012-2016 оны Улс орны хөтөлбөрийн Дунд хугацааны тайлан танилцуулах уулзалт Туушин зочид буудлын Соёмбо хурлын зааланд  зохион байгуулагдах бөгөөд энэхүү уулзалтанд Хүүхдийн төлөө үндэсний газрын дарга И.Нарантуяа илтгэл тавина. Утас: 97077026

11:00 цагаас Ази, номхон далайн орнуудын анагаах ухааны сэтгүүлүүдийн холбоо, Номхон далайн баруун бүсийн анагаах ухааны сэтгүүлүүдийг индексжүүлэх байгууллагын хамтарсан олон улсын хурал, сургалтыг 2014 оны 8 дугаар сарын 13-17-нд манай улсад зохион байгуулахаар болж, бэлтгэл ажил хангагдаж байгаа талаар зохион байгуулах комиссоос хэвлэлийн бага хурлыг Монгол Ньюс-д зохион байгуулна.

11:00 цагаас Монгол Улсын нийгэм, эдийн засгийн 2014 оны эхний 7 сарын байдлын статистикийн мэдээллээр Үндэсний статистикийн хорооны байранд хэвлэлийн бага хурал хийнэ.

12:00 цагаас ОХУ-ын ЭСЯ-нд “Халхын гол” номын нээлтийн ажиллагаа болно. Нээлтийн ажиллагаанд Белорусь, Казахстан, ОХУ-ын Элчин сайд нар болон холбогдох хүмүүс ирж оролцоно. Хэвлэлийн хурлын үйл ажиллагаа монгол хэлээр явагдана.

12:30 цагаас Төв аймгийн Засаг дарга н.Баярбат болон АТГ-ын шийдвэрийн талаар тус аймгийн Баян-Өнжүүл сумын АН-ын дарга “Зууны мэдээ” сонины Үндэсний мэдээллийн төвд мэдээлэл хийнэ.