Сүүлийн үед “Шинэ үе” продакшны жүжигчин Г.Ундармаа хамтлагтаа харагдахгүй байгаа. Бүр өнгөрсөн дөрөвдүгээр сард болсон хошин урлагийн хоёр жилд нэг удаа тохиодог “Улаан хивс”-ний ёслолд ч хүрэлцэн ирээгүй юм. Тиймээс зарим нэг хэвлэлд Г.Ундармаа, Бооёо буюу Н.Ариунболд нарыг муудалцаж, түнжин хагарсан гэх мэдээлэл цацагдах болсон.

Монголын хошин урлагийн “акул”-уудын нэг болох Г.Ундармаа хамтлагийн ахлагч Бооёотойгоо түнжин хагарсан эсэх нь баттай биш ч сүүлийн үед тус хамтлагийнхан шар хэвлэлээс салахаан болиод буй. Хоёр залуу жүжигчин болох Ц.Алдармаа, Ц.Оюунтуул нар нэгнийгээ буцлам халуун усаар түлж нийгэмд цочрол өгсөн. Үүний дараа хамтлагийн гишүүн Ц.Ганбаа эхнэр хүүхэддээ сохор зоос ч үлдээхгүй салах талаар хэвлэлээр шуугиад авсан. Ийн нэр хүнд нь унаад байгаа “Шинэ үе”-ийнхэнд жүжигчин Г.Ундармаа хамтлагтаа ажиллахаа больсон нь үнэндээ тус хамтлаг сонирхолгүй болсон нь нууц бишээ.

Үргэлж үзэгчдэд инээд бэлэглэж байдаг цог жавхаатай сайхан бүсгүй маань хамтлагтаа тоглохгүй байгаа ч “Итгэлийн танхим” нэртэй сайн үйлсийн төсөл явуулаад тун завгүй байгаа. Тэгвэл энэхүү төсөлөө дуусгаад тун удахгүй хамтлагтаа эргэн орох тухай ярьжээ. Тэрээр “Хамтлагаасаа түр чөлөө авсан байгаа. Удахгүй уран бүтээлдээ эргэн орно” гэсэн тайлбар хийжээ. Ямартай ч үзэгчдэд хүлээлт үүсгээд байсан Г.Ундармаа маань хамтлагтаа эргэн нэгдэх тодорхой боллоо.

Эх сурвалж: Шуурхай.мн