Улаанбаатар хотод 8000 орчим айл доор нь дулааны шугам сүлжээ оршдог газарт амьдардаг байна. Энэ нь тэдгээр шугамуудад гарсан гэмтлийг засахад ихээхэн хүндрэл бэрхшээл дагуулсаар өнөөдрийг хүрчээ. Мөн шугамууд хагарч гэмтлээ гэхэд хүний амь нас эрүүл мэнд хохирох өндөр эрсдэлтэй юм.

Үүнтэй холбогдуулан хотын захиргаа нэгэн шинэ ажлыг эхлүүлэхээр төлөвлөжээ. Тэр нь дулаан, цахилгааны шугам сүлжээ оршдог газруудыг тухайн байгууллагуудад эзэмшүүлэх гэнэ. Өөрөөр хэлбэл доогуур нь дулааны шугам сүлжээ оршдог газруудыг “Улаанбаатар Дулааны Сүлжээ” ХХК-д өмчлүүлнэ гэсэн үг юм.

Үүгээр ч зогсохгүй дээрх 8000 орчим айлын газрыг албадан чөлөөлнө гэдгийг хотын удирдлагууд онцоллоо.

Шуурхай.мн