АНУ-ын Кардиффийн их сургуулийн сэтгэл судлаачид хэдэн жилийн турш явуулсан судалгааныхаа дүнг гаргажээ. Тэд 1970 онд төрсөн 17 мянга гаруй хүүхдийг судалж харьцуулсны дүнд 10 нас хүртлээ амттай зүйлс их хэрэглэж байсан хүүхдүүд 34 наснаасаа хойш уур уцаартай, огцом зантай болох тохиолдол элбэг байна. Судалгаанд хамрагдсан хүмүүсийн 69 хувь нь хүүхэд байхдаа амттан тийм ч их хэрэглэдэггүй байсан бөгөөд бусдаасаа харьцангуй дөлгөөн, тайван зантай хүмүүс байжээ. Ийм сонирхолтой дүн гаргасан эрдэмтэд “Хүүхдийг амттанаар хангах тусам хүссэн зүйлээ авдаг, хүлээдэг зан бэхжинэ. Энэ нь хүүхэд өсч томрох тусам үл мэдгээр зан чанарт нь нөлөөлж биеэ барих чадваргүй, догшин болоход нөлөөлдөг. Хүүхэд бүр л амттанд дурладаг. Тэр хүслийг нь үргэлж биелүүлэх тийм ч сайн үр дүнд хүргэхгүй гэдгийг судалгаа харууллаа” хэмээн тайлбарлажээ.