Монгол улсын төрийн соёрхолт хэмээх эрхэм алдарыг цэл залуу насандаа хүртсэн дуучин Д.Болд урлагийнхан дундаас хамгийн чинээлэг нэгэн гэлцдэг билээ. Тэрээр “Монгол поп” хэмээх шинэ урсгалыг Монгол хөгжмийн урлагт оруулж яваа хөдөлмөрч залууд маань Японы нэгэн бүсгүй бэлэг илгээж сэтгэлийг нь ихэд хөдөлгөсөн гэнэ. Тодруулбал  дуучин Д.Болдыг дэмждэг Японы нэгэн эмэгтэй өөрийн гараар хийсэн хувцас илгээж ажилд нь амжилт хүсчээ. Тэрээр энэ талаар дуучин маань өөрийн цахим хуудаснаа “Япон улсын хувцасны дизайнер Chizuko Yahagi гэдэг хүн надад бэлэг явуулжээ.Энэ хүн Японд өөрийн улсын үндэсний хувцас болох кимоно хийдэг материалаар орчин үеийн хувцас хийж, дэлхийн зах зээл дээр гаргаж улсынхаа үндэсний брэндээ сурталчлахын төлөө явж байгаа хүн юм байна. Миний хийж бүтээх гэж зорьж байгаа үндэсний урлагаа орчин үеийн хөгжимтэй хослуулсан Монгол Поп урсгалыг дэмжиж байгаагаа илэрхийлээд миний ажилд амжилт хүсч, кимоно хийдэг материалаар хийсэн энэхүү хувцсыг өглөө. Алс холын Япон улсын нэгэн миний зорьж байгаа ажлыг ойлгон сэтгэлээсээ дэмжиж байгаад миний сэтгэл их хөдөллөө. Түүний ажилд томоос том амжилт хүсье. Монгол Поп хэзээ нэг цагт дэлхийд цуурайтах болтугай!!!!!” хэмээн бичжээ.

Эх сурвалж: Шуурхай.мн