МУИС-ийн 69 дэх төгсөгчдийн Эрдмийн баярын нэгдсэн ёслол, хүндэтгэлийн арга хэмжээ өнөөдөр 14.00 цагт Чингисийн талбайд болно. Эрдмийн баярын нээлтэнд Монгол Улсын Ерөнхий сайд Н.Алтанхуяг оролцож төгсөгчдөд баяр хүргэж үг хэлэх аж.

Түүнчлэн энэ жил МУИС-ийн Хууль зүйн сургуулийг “Эрх зүйч” мэргэжлээр төгсөж байгаа 120 орчим оюутнууд Хавдар судлалын үндэсний төвийн Туяа эмчилгээний тасагт 9.3 сая төгрөгийн өртөгтэй өвчтөнд яаралтай тусламж үзүүлэхэд хэрэглэгддэг зүрхний дефибириллятор аппарат болон хүүхдэд зориулсан номын сан байгуулахад зориулж ном хандивлаж байгаа аж. Энэхүү төхөөрөмжийг хүлээлгэн өгөх ёслолын ажиллагаа 09:00 цагт ХСҮТ дээр болно.