Лондонгийн олимпийн хүрэл медальт, жүдоч С.Ням-Очирт Монгол Улсын Ерөнхийлөгчийн зарлигаар гавьяат тамирчин гэдэг эрхэм хүндтэй цолыг олгосон билээ. Нэгэн үе Монголынхоо ард түмнийг омогшуулж, өнөөг хүртэл хайр хүндэтгэлийг нь хүлээж ирсэн гавьяат тамирчин маань тэр бүр хэл амд өртөөд байдаггүй. Гэтэл сүүлийн үед түүний талаар таагүй мэдээлэл цацагдах болсон. Тэрээр одоогоос гурван жилийн өмнө хохирогч Б.Ганхөлөг гэдэг залуу “Face” бааранд ажлаа хийж яваад С.Ням-Очир, Б.Сугаржаргал, н.Баянжаргал хэмээх бөхчүүдэд зодуулсан байдаг бөгөөд өнөөдрийг хүртэл тэдэнд гомдолтой байгаагаа илэрхийлжээ.

Тэдгээр бөхчүүд нийлж хохирогч залуугийн нүүрний ясыг цөмлөж, нурууг нь хугалсан байна. Улмаар хохирогч залуу удаа дараа хагалгаанд орж,  гадаадад хүртэл эмчлүүлж, бөгсөн бие нь мэдээгүй болж, нуруундаа зургаан хадаас тавиулсан аж. Гэвч хүнийг хайр найргүй зодож  эрүүл  мэндийг нь хохироосон бөхчүүдэд тухайн үед эрүүгийн хэрэг үүсгэсэн ч  удалгүй хэргийг хаасан байна.

Мөн  тэдгээр бөхчүүд “Бид зодоон эхлүүлээгүй. Тэр залуу өөрөө эхлүүлсэн” хэмээн хамаг бурууг хохирогч залууд чихээд л өнгөрсөн аж. Түүнчлэн нэртэй төртэй олны танил бөхчүүд хохирогчийн ээжид “Х.Баттулгад битгий хэлээрэй” гэцгээсэн гэх бөгөөд хүүг нь эмчлүүлэх талаар огтхон ч санаа тавиагүй байна.

Шуурхай.мн