“Үл таних эмэгтэй” киноны дүрээр олонд танигдаж, өдгөө монголын кино урлагт өөрийн орон зайг хэдийн  бий болгосон бүсгүй бол жүжигчин О.Долгор. Саяхан нээлтээ хийсэн “Шүүдэр” продакшны уран бүтээл, зохиолч Б.Шүүдэрцэцэгийн “Улаан пальто” өгүүллэгээс сэдэвлэн бүтээсэн “Улаан пальто” уран сайхны кинонд О.Долгор өөрийн төрсөн охинтойгоо хамтаран тоглосон билээ. Эрхэмсэг, эгэл даруу дээр мундаг жүжигчин хэмээн ард түмэндээ хүндлэгддэг сайхан бүсгүй маань өмнө амьдрал зохиож байсан билээ. Тэрээр урлагийн амьдралд хөл тавиад удаагүй байхдаа нэгэн хип хоп дуучинтай гэр бүл болж хөөрхөн хүүхэдтэй болсон гэдэг. Гэвч О.Долгорыг хүнд өвчин тусаж хэвтэрт байх хэцүү үед үнэн төрхөө харуулж хаяж явсан байдаг. Харин хаяад явсан нөхөртөө ямар бүсгүй болохоо харуулж кино урлагт од болон гялалзаж яваа.

Анхны нөхөрөөсөө хойш ганц бие ээж байсан бүсгүй маань “Өдөр өдрийн нар” кинонд хамт тоглосон жүжигчин Б.Чинзоригтой ханилан, хоёр дахь хүүхдээ төрүүлсэн. Түүнийг өнгөрсөн жил “Монголын хамгийн хүсэмжит бүсгүй”-гээр тодруулсан түүнийг “Айл гэрийн амьдрал үймүүлсэн” гэх элдэв мэдээлэл хэвлэлээр тархаад байсан. Харин энэ мэдээлэлд О.Долгор “Би яалаа гэж элэг бүтэн айлын амьдралыг бусниулах билээ дээ. Тэр үед хэн хэнийх нь анхны амьдрал шийдэгдчихсэн байсан” хэмээсэн юм.

Эх сурвалж: Шуурхай.мн