Саяхан хэвлэл мэдээллээр Вэнь Шинь хэмээх хятад нэртэй Алхаа гэх Өвөр Монгол залуугийн тухай мэдээлэл олны анхаарлыг татаад байсан. Тэрээр Алхаа гэх өвөрлөгч эр Монгол Улсаас гарахыг сануулсан шийдэрийг эсэргүүцэн “Хэрэв албадан гаргах үйлдэл хийх аваас би өөрийн биеийг шатааж, эргэн төрөх сүнсээ монголынхоо гал голомт, газар шороондоо үлдээнэ ээ” хэмээн Ерөнхийлөгчид хандан захидал билээ. Тэгвэл түүнийг Монгол Улсаас гаргах шийдвэрийг түр хугацаагаар хойшлуулахаар болсон талаар Иргэний харьяалал, шилжилт хөдөлгөөний ерөнхий газраас мэдээлсэн байна.

Монгол Улсад сурч боловсрох, ажил хийх, аж ахуй эрхлэх, хөрөнгө оруулах, хувийн хэргээр оршин суух зэрэг олон талын боломж хуулиар бүрэн нээлттэй байдаг боловч дээрх БНХАУ-ын иргэн Вэнь Шинь буюу Алхаа нь 1999 оноос хойшхи 15 жилийн хугацаанд тэр бүх бололцоог ашиглаагүй, олон төрлийн сонголт, хувилбарт үндэслэсэн өргөдөл хүсэлтээ гаргаагүй байна. Гэр бүлийн шалтгаанаар оршин суухаа больсон, Гадаадын иргэний эрх зүйн байдлын тухай хууль зөрчин худал мэдүүлэг өгсөн нь сайн дураар гарахыг сануулахад хүргэсэн гэнэ.

Вэнь Шин өнгөрсөн хугацаанд Монгол Улсын харьяат болох болон цагаачлах хүсэлт өргөдлөө албан ёсоор нэг ч удаа гаргаж хандаагүй байна.

Вэнь Шин өргөдөлдөө хуулийн байгууллагын ажилтнуудтай холбоотой тодорхой мөнгө төгрөгийн асуудлыг дурдсан тул энэхүү мэдээллийг шалган тогтоох зорилгоор Монгол Улсаас сайн дураар гарах шийдвэрийг түр хойшлуулжээ.  Мөн албан ёсны бичиг баримтын бүртгэлээр БНХАУ-ын иргэн Вэнь Шин гэдэг хуулийн этгээд мөн тул Норовцэрэнгийн Алхаа гэх албан бус овог, нэрээр харилцах, шийдвэр гаргах хууль эрх зүйн боломжгүй байна хэмээжээ.

Эх сурвалж: Шуурхай.мн