ШУТИС-ийн Удирдах зөвлөлийн хуралдаан энэ  сарын 02-ны өдөр боллоо. Удирдах зөвлөл ШУТИС-ийн бүтцийн өөрчлөлт, шинэчлэлтэй холбогдуулан шинээр байгуулагдах бүрэлдэхүүн сургуулиудыг дараах байдлаар тогтоосон байна. Үүнд:
1.    Барилга, архитектурын сургууль
2.    Бизнесийн удирдлага, хүмүүнлэгийн сургууль
3.    Үйлдвэрлэлийн технологийн сургууль
4.    Геологи, уул уурхайн сургууль
5.    Мэдээлэл, холбооны технологийн сургууль
6.    Эрчим хүчний сургууль
7.    Механик, тээврийн сургууль
8.    Хэрэглээний шинжлэх ухааны сургууль

Мөн Дархан-Уул аймаг дахь Технологийн сургууль нь ШУТИС-ийн нэг бүрэлдэхүүн сургууль байх юм.

Удирдах зөвлөлийн хуралдаанаас гаргасан тогтоолд ШУТИС-ийн одоогийн бүтцэд байгаа 15 бүрэлдэхүүн сургуулийг 2014 оны 6 сарын 30-ны өдрөөс татан буулгаж, шинэчилсэн бүтцээр бүрэлдэхүүн сургуулиудыг 2014 оны 7 сарын 01-ний өдрөөс эхлэн зохион байгуулахаар шийдвэрлэжээ.

Энэхүү тогтоолыг  хэрэгжүүлэх арга хэмжээнүүдийг авч ажиллахыг ШУТИС-ийн Ректор Б.Очирбатад даалгасан байна.