Гэр бүлийн хүчир­хийллийн улмаас дахин нэг эмэгтэй амь насаараа хохирсон хэрэг гарлаа. Ард иргэдийнхээ амар тай­ван амьдралын төлөө ит­гэл, сэтгэлээ зориулж ажил­лах үүрэгтэй цагдаа нь хүртэл хүчирхийлэл үйл­дэж, эцэстээ хүн амины хэрэгт холбогдлоо.
Ингэж хэлэхийн учир Баянгол дүүргийн найм­дугаар хорооны нутаг дэвсгэрт энэ сарын 18-нд шилжих шөнө 36 настай эмэгтэй Ж.Түвшинтуяа учир битүүлгээр амиа алдсан хэрэг гарсан байна. Тухайн үед талийгаач өндрөөс унаж амиа алдсан байдалтай байрныхаа гад­наас олджээ.
Харин талийгаачийн ар гэрийн­хэн охиноо өө­рийн нөхөр болох ЦЕГ-ын Дэмжлэг үзүүлэх сургалт дадлагын төвийн ахлах мэргэжилтэн, цаг­даагийн хошууч А.Отгонбаяр гэгчийн гарт амиа алдсан гэж үзэж байгаа юм. Та­лийгаачийн үхэлд сэжигтнээр татаг­­даад буй А.Отгон­баярыг үйлд­сэн хэргээ үнэн зөвөөр нь мэдүүлж, хэргийг шалгаж байгаа мөрдөн байцаагч на­рыг шу­даргаар шийдвэрлэх эсэ­хэд эргэлзэж байгаа аж.
Учир нь сэжигтэн А.Отгон­баяр нь цаг­даа­гийн сургууль төгссөн хуульч мэргэ­жилтэй. Хан-Уул болон Чингэлтэй дүүрэгт мөрдөн бай­цааг­чаар ажиллаж бай­сан төдийгүй нийслэл бо­лон ЦЕГ-т өндөр албан ту­­шаал хашиж байсан та­нил тал ихтэй нэгэн гэ­нэ. Иймээс олон нийтэд үнэн, зөв мэдээлэл өгөх үүднээс хэвлэлийн бага хурал хийж байгаагаа хэлж байлаа. Хэв­лэлийн ху­р­лын үеэр талийгаачийн аав Б.Жаргалаас хэргийн та­лаар дараах зүйлийг тод­руулсан юм.
Б.Жаргал:Төрийн цагдаа охиныг минь хөнөөчихлөө

-Юуны өмнө танд болон танай гэр бүлд гүн эмгэнэл илэрхийлье. Охин тань амиа алдсан өдөр чухам юу болсон юм бэ?
-Миний охин Ж.Түв­шин­­­­туяа энэ сарын 18-нд шилжих шөнө 02:30 цагт гэртээ нөхрийнхөө гарт амиа алдсан. Бид зодуур, дарамтаас болж нас барсан гэж үзэж бай­гаа. Хэрэг гардаг өдөр А.От­гон­баяр охиныг маань гэртээ байхад нь дуудсан юм билээ. Хэ­сэг хугацааны дараа тэд гэртээ орж ирсэн байгаа юм.
Ингэхдээ А.Отгон­баярын төрсөн эгч болох А.Болормаатай цуг гур­вуу­лаа ирсэн гэсэн. Та­лий­гаач охи­ныг маань эгчийнхээ хажууд хэл амаар доромжилж, зодож байсныг хүүхдүүд нь харсан байна лээ.
-Талийгаачийг амиа алдах үед нөхрийнх нь эг­чээс гадна хүүхдүүд нь байсан хэрэг үү?
-Тийм. А.Отгонбаяр хүүх­дүүдээ “жи­жиг өрөөн­дөө ор, гарч ирвэл ал­на шүү” гэж заналхийлсэн байгаа юм.
-Охин тань өндрөөс унаж амиа алд­сан байдалтай олдсон гэсэн шүү дээ?
-Тийм ээ. Үнэнийг хэ­лэхэд А.Отгон­баяр л охиныг маань алчи­хаад цон­хоор шидчихсэн байх. Ямар ч хүн өндрөөс унах­даа чанга орилно биз дээ. Хүүхдүүдийнх нь ярьж байгаагаар чимээ гараа­гүй гэсэн.
-Уучлаарай, гэх­дээ за­рим хү­мүүс талий­гаа­чийг цонхоор өө­рөө үсэрчихсэн гэж байсан?
-Гурвын гурван хүүх­дээ орхиод амиа хорлох хүн биш ээ. Охин маань ямар уян зөөлөн сэтгэлтэй хүн байсан билээ. Яаж ч бодсон өөрөө цонхоор үсрэхгүй. /Уйлав/
-Шүүх эмнэлгийн дүг­нэлт гарсан уу?
-Хараахан гараагүй. Гэхдээ охины минь биед зодуурын ул мөр их байсан. Нүүр ам, гар хөл нь хөхөрчихсөн төдийгүй гарыг нь хутгаар зүссэн байсан. Биеийн гад­нах байдлыг нь ха­ра­хад гадны нөлөөтэй амиа алдсан гэдэг нь ойл­гомж­той. Түүнээс биш миний охин өөрийнхөө амийг хорлох хүн биш.
-Талийгаач таны ганц охин гэсэн үү?
-Тийм ээ, ганц охин маань бай­сан. Үнэхээр харам­салтай.
-Сэжигтэн А.Отгон­баяр­тай гэр бүл болоод хэдэн жил болсон бэ?
-1998 онд танилцаад удал­гүй нэг гэрт орсон.
-Өмнө нь нөхөртөө зодуулж байсан удаа бий юу?
-Миний мэдэхийн 2007 оноос эхлэн талийгаачийн биеийн гадна харагдах шарх, сорвигүйгээр байн­­га зодож, сэтгэл са­наа­­ны дарамтад байл­гадаг байсан. Ажил хийлгэ­дэг­гүй, хамт олонтой нь уулзуулдаггүй харддаг.
Түүнээс гадна хүүх­дүүдийнхээ гуяны дотор тал гэх мэт биеийн ил харагдах газруудад чим­­хэх, базах зэргээр өвт­гөдөг байсныг ах, дүү нар нь мэднэ. Хүүхдүүд нь ээждээ “Аавыг зодсоныг эмээ, өвөөдөө хэлэх үү” гэхэд нь талийгаач маань нөхрийнхөө нэр төрийг бо­дож зөвшөөрдөггүй бай­сан юм билээ. Төрийн цаг­даа охиныг минь ал­чихлаа шүү дээ.
Ийнхүү бидний яриа өндөрлөв. Зарим эх сур­валжийн мэдээлж буй­гаар талийгаач Ж.Түв­шин­­туяа ту­хайн үед нө­хөртэйгөө маргалдаж улмаар өөрөө дөрвөн давх­рын цон­хоороо үсэрч амиа хорлосон гэх. Харин хамт ажиллаж байсан алба хаагчид нь хэлэхдээ “А.Отгон­баяр нь даруу төлөв зантай, ажилдаа чад­варлаг, хамт олондоо эл­гэ­­сэг нэгэн” гэв.
Тэрбээр Цагдаагийн дээд сургуулийг 1999 онд төгсч, улмаар ЦЕГ-ын Хуулийн хэлтсийн тасгийн дарга, цагдаагийн дэд хурандаа цолтой ажил­лаж байгаад тус газ­рын Дэмжлэг үзүүлэх сургалт дадлагын төвийн ахлах мэргэжилтнээр цаг­даагийн хошууч цол­той очоод хоёр сар л болж байжээ.
Ямартай ч одоогоор хэргийг Баян­гол дүүргийн Цагдаагийн II хэлтэст шалгаж байгаа бөгөөд А.Отгонбаярыг ШШГЕГ-ын харьяа Цагдан хо­рих 461 дүгээр ангид саа­туулаад байгаа юм. Үнэхээр талийгаачийн ар гэрийнхний ярьж байгаа шиг төрийн хувцас өмссөн цагдаагийн алба хаагч эхнэрийнхээ аминд хүрэв үү, эсвэл…
Б.Төрбат
Эх сурвалж: