МҮОНТ-ийн олон ангит “Хэцүү анги” киноны Сувд, “Миний муу аав” киноны гол дүрээр олонд танигдсан залуу жүжигчин Э.Уянга өдгөө Австри улсын Вена хотод байгаа аж. Тэрээр энэ тухайгаа өөрийн цахим хуудаснаа “Урт удаан амьдралынхаа хэсэгхэн хугацааг өнгөрөөх гэж байгаадаа баяртай байна. Хэдхэн хоногийн өмнө нутгаасаа гарахдаа гэр бүл, найз нөхөд, хамт олон, хайртай ажилдаа их л хоргодож байлаа.

Харин одоо бол ихийг сурч мэдэх гэгээн хүслээр жигүүрлэж, урам зоригоор дүүрэн байна. Бас аливаа зүйлийг эерэгээр харж, хүлээж авч чадахаа байсан, хүнийг хүн чигээр нь харж болохоо больчихсон, хэл ам, хийж бүтээсэн нь бүгд хар бараан, тамын тогоо шиг сэтгэхүйтэй хэсэг хүмүүсээс холдсондоо баяртай байна…” хэмээн бичжээ. Авьяаслаг залуу бүсгүй ийн өөрийн дургүй хэсэг хүмүүсээс холдсон доо сэтгэл хангалуун байгаа бололтой.

Эх сурвалж: Шуурхай.мн